][حملة بنات البحرين ضد شباب البحرين][

تنبيه هام إلى شباب البحرين

قررنا نحن مجموعه من بنات البحرين بدء حمله لمقاطعتكم

"حملة خلكم رومنسيين ولا بتصيرون منسيين"

وذلك لما بدر منكم في السنوات الاخيره من استغلال لمشاعرنا الرقيقه والتلاعب بعواطفنا تحت مسمى الحب

وعليه فمن يثبت قيامه بمثل هذا الاستغلال العاطفي سيتعرض للمقاطعه فوراااااا وشوفو بقولكم شي ماعندي مانع اقلب اذا ما انصلح حالكم

**بذكر لكم بعض الثوابت والحقائق الي يمارسها المستغل العاطفي على البنت المسكينه والي للاسف ما تكتشف انها تمثيل وكذب الا بعد فوات الاوان

1:استغلال كلمة احبج بكل وقت صارت عندهم بنص دينار ولا يتردد لحظه وحده انه يقولها حتى لو ما امداج عرفتيه

2:يحب يستعرض قوته عليج وخصوصا لما يكون معاه شباب ويبدا يسأج اسئله غبيه >> وينج ؟ ومع من؟ وجم مره قايل لج ماتطلعين الا وماعطتني خبر << عزيزتي ترى مو غيره ولاهم يحزنون كل الموضوع انه يبي يرويهم انه الولد القوي الي تخاف مني وانا الي مشيها وهي ياااااحرام تموت فيني

الحب عنده =.....

4 :انتي تحبيني اذن انتي ماترفضين لي طلب الويك اند ذي ابي اشوفج , حبيبتي انا بارقد قعديني الساعه 6 الصباح ليييييييييش شنو قالولك ساعه خراشه <<اكره ما اكره هالطلب وانتي ياغافلين لكم الله قومي من صباح الله خير وقعدي فيه لين يقوم سيد الحسن والدلال< يعل الدلال تطيح فوق راسك

5 :يتحسس من كلمة زواج خطبه كأنج سابه اهله ويحاول يقنعج انه يحبج ومتمسك فيج لحد النهايه وانتي الوحيده الي قدر يرتاح لها بس سالفة ارتباط رسمي NO F…ING WAY

6 :عنده موبايلين جدامج طبعا و يزعم انا صريح وما اخش شي عنج بس الحقيقه ان عنده 4 او يمكن 5 ارقام لزوم التضبيط

7:هو فريد عصره وزمانه والوسيم المبدع الحساس الي كل بنات البحرين يروحون ملح مع ابتسامته وترى اهما الي يرقموني وترى انا ما اعطيهم ويه والحقيقه هي انه خله بنت في التحليه , تركي الاول , النت لوق , الفيس بوك , الثمامه ,ام الحمام الا وعطاها رقمه بعد مالحقها وحجر للسواق وحط الرقم داخل شنطة الخدامه لوووول

8:قلبي شوي واكلمج = قاعد ياكلم وحده ثانيه برقمه الثاني = رددي يااااليل ما اطولج على بال ما يرجع يتصل عليج ويمكن ما يتصل لانه ببساطه نسى ولا رقد رقدت عليه طوفه
9:نقطه مهمه ينقطع قلبه ويدوخ وراج السبع دوخات لين ما يحصلج << يعشق التحدي لولولما يحصلج وتصيرن بين ايده خلاص تروح الاثاره ويبدى يدورعلى شي يديد ,,,

10 :كلمات دايم على لسانه أ: انتي متغيره << في الحقيقه اهوا الي بدا يتغير بس ينطبق عليه مثل ضربني وبكى و سبقني و اشتكى

ب: حاس فيج شي شنو الي مكدر خاطرج << نوع من انواع التخقيق الغبي لازم يحسسونج انهم الصدر الحنون الي تلجأين له وقت الشده وهو من جنبها اصلن
يا شباب ياحلوين متى تفهمون اننا خلاص صرنا كاشفين كل حركاتكم وما بتطوف علينا هالامور.

انا ما اقول كل الشباب جذي الا من رحم ربي طبعا وعلى فكره نسبتهم بسيطة ما تتعدى ال5% بس ليش تصير النسبه الغالبه هي النسبه المشوهه

ليش تيي للبنت من طريق حب وما حب وانت غرضك تشبيك وشي براسك ولما تطيحه خلاص ترميها وكأنها شي تافه ناسي انها انسانه وتحس!!!
على فكره انتو بعد تخربون على بعضكم جذي تدرون شلون؟
لما تشبك لك وحده وخلاص تنتهي مدة صلاحيتها عندك تتخلص منها بأي طريقه صح؟

ايي يستلمها واحد بعدك تكون فيها انواع العقد منك وتطلعها على راس اليديد ويله هلم ما جره

عشان البنت تصحى يعني تعالي ياحلوه بتقنعيني ولا تقنعين نفسج انه يحبج ؟

تدرين انه لعيب ومع هالشي مستمره ؟!!
ليش ؟
تخافين تعيشين من غير حبيب
اذا هذهو وهذي فعايله الله الغني عنه وترى ولا مره سمعت بنت ماتت يوم بطلت تكلم لوووول
وانت يا فالنتينو خلاص يا بطل راحت عليك يعني اتوقع بعد الكلام الي كتبته المفروض المفروض لو عندك دم بتتعدل اما اذا اصريت وماشغلت مخك فالله الغني عنك وبنقاطعكم يعني قاطعنا منتجات دنماركيه واسرائيليه ما احنا عيزانين عنكم <<
بس والله من صجنا 100%